Julie 2018
Die Gesamentlike Konstitusionele Hersieningskomitee het openbare verhore gehou in alle provinsies van Suid-Afrika. Die doel van hierdie uitgebreide verhore was om openbare insette te kry op die wysiging van artikel 25 van die Grondwet.
Die regering gelei deur die ANC het by hul 54ste Nasionale Konferensie aangekondig dat hul sal poog om artikel 25 van die Grondwet van Suid-Afrika rakende eiendomsreg te wysig om grondonteiening sonder vergoeding te implementeer. Post Views: 297
Die Nasionale Vergadering het ’n Ad Hoc-komitee gestig kragtens Reël 253 om wetgewing in te stel en in te dien wat artikel 25 van die Grondwet wysig. Post Views: 380
Die Portefeuljekomitee op Openbare Werke en Infrastruktuur aanvaar skriftelike kommentaar oor die Onteieningswetsontwerp B 23-2020. Post Views: 342
Die Nasionale Raad van Provinsies het die Gesamentlike Konstitusionele Hersieningskomitee se verslag oor die hersiening van artikel 25 van die Grondwet aangeneem. Die Oos-Kaap, Vrystaat, Gauteng, KwaZulu-Natal, Limpopo, Mpumalanga, Noord-Kaap en Noordwes het ten gunste daarvan gestem. Wes-Kaap het teen die verslag gestem. Post Views: 410
’n Interne besprekingsdokument van die Departement van Landelike Ontwikkeling en Grondhervorming (DLOGH) is deur ’n agtenswaardige bron aan AfriForum verskaf. Die dokument bevat ’n lys van 139 eiendomme wat vir onteiening geoormerk is. Die openbaarmaking van die dokument is voorafgegaan deur bevestiging van Zizi Kodwa, Hoof van die Presidensie, asook ander lede van die ANC…
Die wysiging van artikel 25 van die Grondwet om onteiening sonder vergoeding van privaat eiendom toe te laat, is nie deur die Nasionale Vergadering goedgekeur nie. Die ANC het nie die vereiste tweederdemeerderheid behaal wat hul benodig het nie. 204 LP’s het ten gunste van die wetsontwerp gestem en 145 daarteen met geen persoon wat…
"*" indicates required fields
AfriForum het in Maart 2023 ons geskrewe kommentaar teen hierdie wetsontwerp ingedien by die Raad van Provinsies. As deel van hierdie fase het die Gautengse Wetgewer se portefeuljekomitee oor infrastruktuurontwikkeling en eiendomsbestuur ’n aparte geleentheid geskep vir kommentaar vanaf die publiek in ’n provinsiale konteks. AfriForum het hier ook geskrewe kommentaar ingedien, asook deelgeneem aan die openbare verhore.
AfriForum se teenstand teen die Onteieningswetsontwerp voor die Gautengse Wetgewer se portefeuljekomitee oor infrastruktuurontwikkeling en eiendomsbestuur kan hier gekyk word: https://youtu.be/av4chzs8Dsk.
In September 2023 het AfriForum die stryd teen die Onteieningswetsontwerp voortgesit met ’n mondelinge voorlegging voor die parlementêre komitee vir vervoer, staatsdiens en administrasie, openbare werke en infrastruktuur in die Nasionale Raad van Provinsies-gebou in Kaapstad. Ernst van Zyl, AfriForum se hoof van Openbare Betrekkinge, het ’n lys van polities ongerieflike feite oor grond en grondhervorming in Suid-Afrika aan die parlementêre komitee voorgelê, asook ’n lys van AfriForum se oplossings. Dit kan hier gekyk word: https://youtu.be/R1qXo1Cgnbg.
As die Nasionale Raad van Provinsies die Onteieningswetsontwerp goedkeur gaan dit na die president se kantoor vir ondertekening. Indien hierdie scenario uitspeel, sal AfriForum ons volgende stappe om privaateiendomsreg te beskerm aankondig.